ລາຍຮັບ-ລາຍຈ່າຍສາກົນຂອງຈີນໃນປີ 2023 ມີຄວາມດຸນດ່ຽງໂດຍພື້ນຖານ
ສຳນັກຂ່າວຊີນຮວາລາຍງານໃນວັນທີ 19 ກຸມພາ 2024 ຜ່ານມານີ້ວ່າ: ກົມຄຸ້ມຄອງເງິນຕາຕ່າງປະເທດແຫ່ງຊາດຈີນ ໄດ້ເຜີຍແຜ່ຕົວ
ເລກຂໍ້ມູນເບື້ອງຕົ້ນກ່ຽວກັບລາຍຮັບ-ລາຍຈ່າຍ ສາກົນໃນໄຕມາດທີ 4 ປີ 2023 ແລະ ລາຍຮັບ-ລາຍຈ່າຍສາກົນໝົດປີ 2023 ຂອງຈີນ.
ທ່ານ ນາງ ຫວາງ ຊູນຢີ່ງ ຮອງຫົວໜ້າທັງເປັນໂຄສົກກົມຄຸ້ມຄອງເງິນຕາຕ່າງປະເທດແຫ່ງຊາດຈີນກ່າວວ່າ: ໃນປີ 2023 ລາຍຮັບ-ລາຍ
ຈ່າຍສາກົນຂອງຈີນ ໄດ້ຮັກສາຄວາມດຸນດ່ຽງໂດຍພື້ນຖານ. ໃນປີ 2023, ເສດຖະກິດຈີນ ໄດ້ຮັບການຟື້ນຟູຢ່າງຕໍ່ເນື່ອງ, ຄວາມໜຽວແໜ້ນ
ດ້ານການຄ້າຕໍ່ຕ່າງປະເທດ ໄດ້ຮັບການເພີ່ມຂຶ້ນ, ການຂະຫຍາຍຕົວທາງດ້ານສິນຄ້າຂາເຂົ້າ-ຂາອອກ ໄດ້ເພີ່ມຂຶ້ນຕໍ່ເນື່ອງໃນໄຕມາດ, ເຊິ່ງເປັນ
ການຄ້ຳຊູຕໍ່ການຮັກສາສົມດຸນການຄ້າທີ່ມີຂະໜາດໃຫຍ່ສົມຄວນຂອງຈີນ. ເມື່ອກ້າວເຂົ້າສູ່ປີ 2024, ເງື່ອນໄຂທີ່ມີຜົນດີໃນການພັດທະນາ
ຂອງຈີນແມ່ນມີຫຼາຍກວ່າປັດໄຈທາງລົບ, ທ່ວງທ່າພື້ນຖານທີ່ມີທ່າອ່ຽງຟື້ນຟູໄປໃນທິດທາງທີ່ດີ ແລະ ຈະເປັນໄປໃນແງ່ທີ່ດີໃນໄລຍະຍາວ
ໂດຍບໍ່ປ່ຽນແປງ.
ຕາມການຄາດຄະເນໂດຍທົ່ວໄປຂອງຕະຫຼາດໃຫ້ຮູ້ວ່າ: ທະນາຄານກາງຂອງອົງກອນເສດຖະກິດທີ່ພັດທະນາຕົ້ນຕໍ ຈະເຂົ້າສູ່ໄລຍະປັບ
ຫຼຸດດອກເບ້ຍລົງ, ເງື່ອນໄຂດ້ານການທະນາຄານພາຍນອກຈະມີທ່າອ່ຽງຜ່ອນຄາຍກວ່າເກົ່າ. ຄຽງຄູ່ກັບສະພາບແວດລ້ອມທັງພາຍໃນ ແລະ
ພາຍນອກທີ່ດີຂຶ້ນໂດຍລວມ, ລາຍຮັບ-ລາຍຈ່າຍ ສາກົນຂອງຈີນແມ່ນມີພື້ນຖານ ແລະ ເງື່ອນໄຂພັດທະນາຫຼາຍກວ່າເກົ່າໃນການຮັກສາຄວາມ
ດຸນດ່ຽງໂດຍພື້ນຖານ.
ແຫຼ່ງທີ່ມາ: ໜັງສືພິມກອງທັບ
ວັນທີ 22/02/2024